Швеція потребує свої літакы Gripen на властну охрану. Повів то в понедільок шведьскый премєр Улф Крістерссон. Через вікенд высловив інтерес о тоты бойовы літакы україньскый презідент Володимир Зеленьскый, пише денник The Guardian. Крістерссон вказав на то, же Швеція іщі все не є членом Североатлантічной аліанції. В будучности премєр Швеції не вылучує нич, но моментално за його словами не існують жадны обовязкы, котры дотуляють ся переданя шведьскых літаків Україні.

(Медвідь, TASR)