Поліція знову попереджує, же хоснованя забавной піротехнікы є на Словакії строго реґуловане. Од минулого рока платить цілорочный заказ хоснованя выбраных піротехнічных выробків катеґорії F2 і F3, котрых главным ефектом є глук, головно петард і заблесковых петард. Пресаґентуру TASR о тім інформовав говорця Презідія Поліцайного збору Роман Гаєк. Хоснованя решты выробків катеґорії F2 і F3 є дозволене включно од днесь, 31-го децембра, од 18.00 г до завтра 1-го януара до 2.00 г. Єдночасно мусить быти дотримане  їх хоснуваня і то 250 метрів од шпиталів, інштітуцій соціальных слижеб, притулків і обєктів про звірята, ветерінарных клінік з госпіталізаційов, ZOO і далшых храненых обєктів.