x

Сполочны маневры Сербії і Росії

00

В Сербії в понедільок зачали пятьдньовы сполочны сербско-російскы воєньскы маневры під назвов БАРС-2018. Інформовало о тім радіо Ехо Москвы. Радіо додало, же затля не є ясне, ці маневры суть даякым способом повязаны із згіршіньом сітуації в Косові, кедь коло 60 членів шпеціалной команды косовской поліції перенесло ся на север Косова, котрый є населеный головно Сербами, де забезпечовали курту навщіву презідента Гачіма Тачі коло озера Ґазиводе. Сербскый презідент Александар Вучіч із той причіны дав арміню до стану найвысшой бойовой приготовлености. Міністер внутрішніх справ зробив тото саме в припаді сербской поліції. О найновішій сітуації днесь Вучіч їднать в Москві, де є од понеділька на навщіві, із російскым презідентом Владиміром Путіном. Хоче, жебы Росія підтримала Сербію при рішіню проблемів з Косовом.
(Медвідь, TASR)