Російскый презідент Владімір Путін підписав вчера декрет о зложіню новой влады. Свої місця собі окрім іншого утримали і дотеперейшній міністер обороны Серґей Шойґу і міністер заграничных справ Серґей Лавров, інформували російскы медія. Російскый презідент підписав 16-го януара постановліня, котрым за председу російской влады прызначів Міхаїла Мішустіна. Мішустін ся став премєром день потім, як  Путін прочітав свій вырочный выступ, в котрім запропонував ряд змін і додатків до уставы Російской федерації. За представами Путіна бы тоты зміны мали вести к посілніню правомочі премєра і членів влады при днешнім утримані Росії як сильной презідентьской країны. Новы правомочі бы мав здобыти і парламент. (TASR, Pkf)