x

Зачала ся дебата в рамках історічного процесу уставной жалобы против презідентові США

00

В америцькім Сенаті ся вчера зачала дебата в рамках історічного процесу уставной жалобы (impeachmentu) против презідентові США Доналдові Трампові. В часі запалистой дискусії демократы обвинили лідра сенатной векшыны Мітха МцЦоннелла з того, же хоче процес скомпліковати. Републікан МцЦоннелл запропонував серію основных правил, котры будуть в першій етапі давати строгы обмеджіня на выповіді свідків і даваня доказів, што процес посуне скоріше до переду. МцЦоннелл далей увів, же сумарні заблокує акынебуть пробы демократів о зміны своїх правил, інформувала аґентура AFP. (TASR, Pkf)