В Празі на Масаріковій желізнічній штації припомянули собі пєтнов подійов одход статісячів чехословацькых гражданів по підписі Мніховского договору у 1938-ім році і слідуючій анексії Судетів далше до внутрішньой теріторії державы. Як раз там свого часу пришла векшына чехословацькых гражданів і антіфашістів із пригранічной области. Як інформовала аґентура APA і чеськы медії, председа чеського Сенату Мілан Штєх із нагоды 80-ой річніці тых дій звернув увагу на факт, же ся на тото достаточно не звертать увага і шырша діскусія веде ся лем односно темы выселіня німецькы бісідуючого населіня з бывшой Чехословакії по скінчіню Другой світовой войны. Еміл Кулфанек із Чеського союзу бойовників за свободу авізовав апелацію на парламент, жебы схвалив і памятный день чехословацькых выселенців із приграніча за прикладом памятного дня выселеных судетьскых Німців.
(Медвідь, TASR)