Данія повторюючо вырїшіла актівовати план на перероздїлїня утеченцїв, котрого квоты перестало повнити в роцї 2016, а в далшых днях прийме 30 утеченцїв. Інформовала о тім у четверь аґентура AFP. ,,Іде о Сірчанів або особы без штатной належности зо Сірії, котры суть в Турції,“ увів про AFP в імейлї даньскый іміґрачный уряд. Перша ґрупа утеченцїв мать до Данії прийти під заштїтов Уряду высокого комісаря OSN про утеченцїв уж протягом вікенду. О конкретній кількости приятых утеченцїв рїшіть даньске міністерство про іміґрацію, а то на основі леґіслатівы, котру в роцї 2017 прияли Соціалны демократы довєдна з популістічнов Даньсков народнов странов.

(Шутіова, TASR)