Російскый презідент Владімір Путін прилетів в суботу до китайского міста Тхiен-тiн, де вєдно з лідрами приближно 20 далшых країн бере участь на саміті, орґанізованым китайскым презідентом Сі Цзiн-пiнґом. З одкликаньом на російскы і китайскы штатны медія о тім інформовали аґентуры AFP і Reuters. Саміт Шанхайской орґанізації про сполупрацю (ШОС) ся одбывать в приставнім місті на югу од Пекінґу од неділі до днешнього дня. В середу буде наслідовати великый воєньскый огляд в китайскім главнім місті з нагоды 80-рiчниці кінця другой світовой войны. Десятьма членами ШОС суть Китай, Індія, Росія, Пакістан, Іран, Казахстан, Кірґізстан, Таджікістан, Узбекістан і Білорусія. Далшы 16 країн мать штатут позорователя або „партнера про діалог“. Пекінґ і Москва часто означують тоту орґанізацію як алтернатіву проти Севeроатлантічной аліанції (НАТО). (TASR, Пкф)