Америцькый федералный одволаваючій суд в пятніцю вырішыв, же векшына цел, котры увалив презідент Доналд Трамп на торговых партнерів США, є незаконна. Суд пришов на то, же презідент при їх призначуваню перекрочів свої права. Інформують о тім аґентуры AFP і Reuters. Суд уможнив, жебы уложены цла остали в платности до 14-го октобра, жебы Трампова влада мала можность подати одволаня на Найвысшый суд Сполученых штатів. AFP підчеркує, же рiшіня суду з пятниці представляє удар про Трампа, котрый од януарового навернутя до Білого дому хоснує цла як шырокый інштрумент господарьской політікы. Цла суть, подля Reuters, пілєром загранічной політікы США під час Трампового другого періоду презідентованя, причім їх хоснує на вытваряня політічного тиску і на переговоры в області змін в торговых догодах із штатами, котры доважають товар до США.  (TASR, Пкф)