Ку зліпшіню кваліты середньой фаховой освіты на теріторії Пряшівского самосправного краю має помочі співпраца меджі ПСК і Централов роботы, соціалных діл і родины Братіслава. Сполочный інтерес потвердили пердседа ПСК Мілан Маєрьскый і директорка централы роботы в Пряшові Славоміра Фіґурова підписом меморандума о співпраці. Меморандум має помочі повнити головны цілі проєкту Зліпшіня середнього фахового школства в ПСК ІІ., і зефектівнити процесы при реалізації актівностей в середній фаховій освіті. Головныма областями співпраці є конкретне спрацованя аналіз учебных і штудійных шпеціалізацій в одношіню ку безробітности абсолвентів і рынку роботы. Обидві стороны будуть так само партіціповати на наставліню змін в сіті середніх школ, котры суть під ПСК.

(Медвідь, PSK)