Новелу закона о здравотній старостливости, котра управлює область абортів, посунули депутаты Народной рады Словацькой републікы на віторковім голосованю до другого чітаня. Депутаты з клубу OĽaNO в новелі пропонують зміны в соціалных забезпечінях про жены, котры роздумують о інтеррупції. Мінити бы ся мала і назва із штучного перерваня на штучне закінчіня тяжи, запровадити хотять потребу двох незалежных лікарьскых посудків в припаді інтеррупцій із здравотных причін і обсяжніше голошіня о абортах. Жені бы ся мав выконати аборт аж по 96-ох годинах од пожаданя, теперь є то 48 годин. Заказана бы мала быти і реклама на інтеррупції. За новелу не голосовали вшыткы коалічны депутаты, но підпорили єй ї дакотры депутаты з опозіції. Далше бы ся о новелі мало їднати на септембровім засіданю парламенту.

(Медвідь, TASR)