Опозічный рух PS крітізує неучасть Словакії на вівторковім (6-го януара) саміті тзв. коаліції охочіх. Поважує то за наслідок загранічной політікы влады Роберта Фіца. Говорить о зраджіню словацькых інтересів і ізолації. Увів то лідер PS Міхал Шімечка в становіску, котрый дав з медіалного одділіня рух. Апеловав прото на зміну загранічной політіку. „Польща, Чехія, Німецько, Велика Британія, Франція, Італія, Україна, США, Канада – 35 країн ся у вівторок стрітло в Парижі, жебы підпорили досягнутя міру на Україні, і тым посилнили безпечность Европы. Коаліція охочіх, 35 партнерів, котры собі напрік розділным поглядом на многы справы іщі фурт довірюють і хочуть взаємно помагати, жебы їх жытелі могли жыти в безпеці і розвою. Тридцятьпять країн, і котра хыбує? Словакія. Тото є наслідок Фіцовой суверенной загранічной політікы на вшыткы штирі світовы стороны,“ сконштатовав. Шімечка у тім звязку попередив на ізолацію СР. (TASR, Пкф)