Пакунок консолідачных опатрінь на будучій рік посланці Народной рады СР в середу вечером дефінітівно схвалили. О пропозиції закона, котрым ся міняють і доповняють дакотры законы у связку з консолідаціов публічных фінанцій, їднали в скороченім леґіслатівнім поступі. За пропозицію голосовало 78 із 79 притомных посланців. Міністер фінанцій Ладіслав Каменіцкый (Smer-SD) ознамив перед часом 22 опатрінь, котры бы мали принести на ушпоріню і векшім выберу дани і одводів вєдно 2,7 міліярд евр. Часть тых опатрінь обсягує схваленый закон. Пакунок покы не рiшыть крокы спрямованы на шпоріня міністерстев і урядів, але лем зміны, котры ся тыкають жытелів, фірм і самосправ. Предложены зміны бы мали, подля одгаду міністерства фінанцій, принести в наслідуючіх трьох роках поступно 1,44 міліард евр, 1,59 міліард евр і 1,72 міліард евр. (TASR, Пкф)