Дочасно повіреный міністер внутрїшнїх дїл Роман Мікулець (OĽANO) оцїнив у четверь десятёх членів Гасічского і захранного збору а пятёх членів Горьской захранной службы, котры минулый тыждень помагали при захранных роботах по землетрясїню в турецькій провінції Гатаі. ,,Хочу вам в першім шорї подяковати за вшытко, што сьте там зробили. Не было то просте,“ оцїнив Мікулець. Тїшыть го, же ся вшыткы верли домів жывы. Подля нёго ся указало, же в крізовых сітуаціях, на котры суть вышколёваны, ся знають іщі веце зомкнути. ,, Знате вырїшыти і дїла, котры сьте сі передтым може не знали дость добрї представити,“ повів.

(TASR, Шутіова)