Україна днесь ознамила, же єден з єй вояків быв забитый в бою з промосковскыма сепаратістами в підвечур дебат меджі  NATO і Російов в Бруселі, котры ся будуть дотуляти якраз конфлікту на выході Україны. Інформації принесла пресова аґентура AFP. Напятя коло Україны ся згоршыло в послідніх місяцьох, причім Вашінґтон і европскы союзници Києва обвинюють Росію, же ся приправує на інвазію до бывшой совітьской републикы. Київ од року 2014-го року, кедь Росія анектовала україньскый Кримськый полостров, боює протів промосковскому повстаню в двох сепаратістічных областях, котры мають границі з Російов. Тот конфлікт собі выжадав веце як 13.000 людьскых жывотів. (TASR, Pkf)