Словакія в дуелі меджі фінскым ехпремьєром Алехом Стуббом і шефом фракції Европской людовой партії в Европскім парламенті Манфредом Вебером о місце шефа Европской комісії підпорила німецького кандидата. Повів то на перебігаючім снімі Европской людовой партії в Гелсінках наш европосланець Едуард Кукан. За словами Кукана Вебер зачав скоріше свою кампань і мать опреділене предстигнутя як і выгоду того, же його европосланці познають як актівного і зодповідного лідра і тыж мать підпору силной і чісленой делеґації з Німецька. Як далі додав, „але Штуб быв барз актівный, стрічав ся зо вшыткыма делеґаціями, орґанізував дійстну кампань. Увидиме, як скінчіло голосованя, але особні су думам, же Вебер переможе.“
(TASR)