Членьскы штаты Европской унії (ЕУ) днесь рано прияли 19-ый пакунок санкцій проти Росії з прічіны єй аґресії на Україні. Новый пакунок рештрікчных наряджінь окрім іншого загорнює поступный заказ довозу сквапалненого земного пліну (LNG) з Росії. Схваліня новых санкцій потвердила на соціалній сіти X і шефка унійной діпломації Кая Калласова. Пакунок „є заміряный окрім іншого на російскы банкы, кріптомены, субєкты в Індії і Китаю. ЕУ лімітує рушаня російскых діпломатів, жебы ся бранила пробам о дестабілізацію. Про Путіна так буде фурт тяжше фінанцовати тоту войну,” подчеркнула. (TASR, Пкф)