Штуденты середніх школ собі на Універзіті Павла Йозефа Шафаріка  (UPJŠ) в Кошыцях могли спробувати, яке є то быти высокошколаком. Про штудентів, котры задумують ся на выбером высокой школы, приправили преднашкы, семінары і тренуваня з різных штудійных одборів. Пресаґентуру TASR о тім інформувала говоркыня  UPJŠ Лаура Голянова. Штудентками і штудентами высокых школ ся стали в часі тогорічных устных матуріт. Подія з назвом Єден день высокошколака одбыла в часі вчерайшого і днешнього дня і призначена была про штудентів першого, другого і третього рочника середніх школ. Як дале Голянова увела, же популарізачно-освітні преднашкы, котры приправили єднотливы факулты і працовіска універзіты, были заміряны на різны темы. Ішло наприклад о кібернетіцьку безпечність, проблематіку жывотного оточіня і кліматічных змін, шыріня дезінформацій ці справный выбер высокой школы. (TASR, Пкф)