Облюбленый влак Попрад-Татры – Стара Любовня – Мушына штартує свою літню сезону 3-го юла 2023-го року. Влак буде ходити каждый вікенд аж до 3-го септембра, інформовав Пряшівскый самосправный край. Тот рік Беляньскый експрес приходить з новотов почас літньой сезоны. Путуючі, котры куплять собі листок на влак, здобудуть знижку єдно евро на навщіву граду Любовня і сканзену, котрый під градом находить ся. Од 1-го юла будуть турісты, котры підуть Беляньскым експресом, мочі выужывати в Старій Любовні і автобусовы споїня, котры будуть мати часы одходів до Червеного клаштора ці Пєниньского народного парку приспособлены часам приходів влаків. Цільовов штаційов Беляньского експресу є польске купельне місто Мушына, котре понукать стародавны памяткы, множество атракцій і лічівы джерела. В Мушыні суть забезпечены і влаковы споїня до купельного міста Криниця. (ЛЕМ.ФМ, Pkf)