Централнов темов децембрового саміту лідрів Европской унії (EU) в Бруселі буде забезпeчіня фінанчных потреб України на наступны два рокы. Напрік інтензівным їднаням ся членьскым штатам покы неподарило досягнути згоду на способі фінанцованя. Много діпломатів авізовало, же їднаня потырвають до втогды, покы ся тот проблем неподарить вырішіти. Меджі далшы ключовы пункты проґраму суть росшырованя блоку, довгодобый розрахунок EU на рокы 2028 – 2034, вопросы ґеоекономікы і конкуренція способоности. Словакію на самміті заступує премєр Роберт Фіцо, інформує окремый справодайця  пресаґентуры TASR. Засіданя зачало ся днесь о 10.00 год. традічнов вымінов поглядів з председничков Европского парламенту Робертов Мецоловов. (TASR, Пкф)