Молоды інтересуючі о поліцайны службы у віку до 21 років ся можуть стати кадетами. Безпосередньо по матуріті бы так мали можность здобыти освіту уж в рамках служобного одношіня. Інформував о тім директор пресового одііліня Міністерства внутра СР Ярослав Талдік. О новелі закона о поліцайнім корпусі дебатують посланці Народной рады СР. „По звышыню віковой границі на приятя до ряду поліції од 21 років сьме прийшли о ґрупу молодых інтересуючіх. Потребували сьме шак здобыти зрілшых і стабілнішых кандидатів і заборонити так частій флуктуації молодых поліцайтів,“ повіла міністерка внутра Деніса Сакова. За єй словами даный проблем бы могла вырішыти пропонувана управа закона.
(TASR)