В Пряшівскім самосправнім краю росне інтерес о дуалну освіту. Того часу має край в дуалній освіті уж майже 2000 штудентів і понад 400 роботодавців. Дуална освіта была на Словакії запроваджена у 2015-ім році. Актуално є в ній в рамках вшыткых країв залученых понад 10 тісяч штудентів в майже 150-ох фахах у веце як 1300 роботодавців. ПСК належыть в тій сістемі із 15-ма процентами дуалістів меджі лідерів. Конкретно має в першім півроці школьского року 2025/2026 в дуалній освіті точно 1980 штудентів із цілково 32 середніх школ, з того 1459 дуалістів є із 26 школ, котрых зряжовательом є крайска самосправа. Кількость роботодавців, у котрых мають штуденты дуалну освіту, є уж 410, із того 327 з них діє на жупных середніх школах.

(Медвідь, PSK)