Місто Гуменне выголосить фінанчну збірку на забезпечіня дослідків запричіненых пандемійов. В пятніцю 17-го апріля на засіданю містьского заступительства о тім вырішыли єдноголосно посланці. Пропозіційов на выголошіня збіркы реаґовав посланець Іван Гопта на ініціатіву посланця Мартіна Рущаньского. Тот колеґів вызвав, жебы в рамках солідарности з жытелями, котры прийдуть о роботу і фінанції, зрекли ся половины своїх одмін за місяць май, юн, юл і авґуст. Тото зістало без реакцій, но збірка перешла. О тім, на што вшытко підуть грошы, посланці не вырішыли. Єднако зіставать вопросом, хто буде о діліню фінанцій вырішовати.

(Медвідь, TASR)