В Споєных штатах у віторок зачав волебвный день. О презідентьскый уряд змагають ся републіканьскый кандідат а презідент Доналд Трамп, і демократ Джов Байден. Голосованя зачало в двох малых селах в америцькім штаті Ню Гемпшайр – Діксвілл Ноч і Міллсфілд, де всокотили традіцію і наперек пандемії  а отворили там пункты голосованя у віторок о півночі, што є 6.00 год. рано нашого часу. Векшына пунктів голосованя на выходнім берегу США одкрывать ся о 6.00 ці 7.00 год. містного часу. Байден веде в баданях общого мніня. Трамп боює о утриманя ся в уряді по штирьох турбулентных роках. Люди в окремых штатах голосують і в цілім ряді референдумів о різных справах од даньовой політікы аж по законы о наркотіках, о 35-ох креслах в Сенаті, цілій Сеймовні репрезентантів і о многых державных і містных урядах.

(Медвідь, TASR)