Портуґалія наслідує приклад Франції і Австралії што до заказу соціалных медій про діти. Пропозіцію подали в понедільок в парламенті посланці владной партії, пише аґентура AFP. Одколи Австралія влони в децембрі запровадила заказ соціалных сітей про особы молодшы як 16 років, росне в тім напрямі тиск і в рамках ЕУ. Франція, котра найновіше схвалила такый закон, стояла на челі просаджованя подобных наряджінь в ЕУ вєдно із членьскыма державами як суть Данія, Ґреція і Іспанія. Із пропозіції портуґальскых посланців выходить, же діти у віці 13 аж 16 років будуть годны приступати ку соціалным сітям лем із згодов родічів, і тоты платформы будуть мусити запровадити сістему провіріня віку і родічовской авторізації.

(Медвідь, TASR)