Здружіня міст і сел Словеньска (ZMOS) підписало в середу на третім рiчнику меджінародной конференції MUNICIPÁLNA V-4 в місті Высокы Татры меморандум зо Здружіням Карпатьскый еврореґіон Польща і представило рамкы сполупраці зо самосправами в Ґрузії. Подля центрального діректора канцеларії ZMOS Михала Калиняка будуть обідвоє партнеры сполупрацовати при аплікації, пропаґації і розвою карпатьской значкы CARPATHIA. Председа ZMOS Браніслав Треґер припомянув, же Словакія мать з Польсков републиков довгу границю і пригранична сполупраця є жыва. (TASR, Pkf)