З нагоды Дня боя за слободу і демокрацію ся днесь одбуде веце пєтных спомінок. Юбілей Нїжной револуції сі припомянуть і троє найвысшы конштітучны чінітелї. Презідентка Зузана Чапутова сі одказ свята припомяне при памятнику Брана слободы на Дєвінї. Єй вечерный проґрам творить традічно одовздаваня оцїнїня Біла ворона, де выступить і з приговором к юбілею Нїжной револуції. Председа парламенту Петро Пеллеґріні (Hlas- SD) буде брати участь на пєтній спомінцї при Централнім памятнику поправленым і умученым політічным арештантім комунізму в братїславскій Вракуни і при памятнику Брана слободы, де выступить з приговором. В проґрамі мать і положіня вінця ку памятнику Александра Дубчека. Дубчека сі уцтить і премєр Роберт Фіцо (Smer- SD).

(TASR, Шутіова)