Австрійскый канцеларь Карл Негаммер жадать од Европской комісії дві міліарды евр на охрану граніць в Булгарії. Повів то почас понедільковой навщівы в місті Елхово на булгарьско-турецькых граніцях, інформує аґентура APA. Негаммер повів, же підтримує жадость булгарьской влады о дві міліарды з дежерел Унії. Грошы мають послужыти на накупліня гелікоптер, теренных возів і далшого технічного выбавліня на сторожіня граніць і зліпшіня пригранічной інфраштруктуры. Єдночасно повів, же натеперь є проти розшыріня Шенґену. Якраз Австрія в децембрі заблоковала вступ Булграрії і Румунії до безвізового шенґеньского простору.

(Медвідь, ТASR)