Чорна Гора бы ся хотїла до року 2028 стати 28. членьскым штатом Европской унії. В розговорї про станіцю Euronews то увів премєр країны Мілойко Спаїч, інформує о тім TASR. Кандідатьска держава ЕУ подля чорногорьского председу влады уж тепер фунґує, як кебы была частёв Унії. В розговорї начертнув тыж стратеґічный план Чорной Горы тыкаючій ся узапертя вшыткых приступовых капітол до конця рока 2026, чім бы ся приготовило вшытко про повногоднотне членство в ЕУ до януара 2028.

(TASR, Шутіова)