Міністры загранічных дїл Южной Кореї, США і Японії будуть концём того тыждня роковати в Мнїхові о проглубіню взаємной кооперації, ознамило то днесь югокорейске міністерство. Піде о їх першу таку тройстранну стрїчу од наступу до адміністратівы Доналда Трампа. Югокорейскый шеф діпломації Чо Тхе-йол буде мати в суботу рокованя з америцькым міністром загранічных дїл Марком Рубіом і японьскым міністром Такешім Іваяом попри Мнїховскій безпечностній конференції в Нїмецку. ,,Очекуєме, же тота стрїча послужыть як можность на діскузію о способах напредованя тройстранной кооперації.., як і на рїшіня северокорейского ядрового вопросу, реґіоналных залежностей і на посилнїня кооперації в области господарьской безпечности,“ увело югокорейске міністерство.

(TASR, Шутіова)