x

В катастрі села Новоселиця в окресі Снина, в часті званой Гребень нашла ся муніція

00

Найджіня векшого множества старой муніції огласив на поліції 28-рочный муж зо села Товарне у Врановскім окресі. Нашов ю в лісі в катастрі села Новоселиця в окресі Снина, в часті званой Гребень. Пресаґентуру TASR о тім інформувала пряшівска крайска поліцайна говоркыня Яна Ліґдаиова. Як дале приближыла, же найджена муніця походить з періоду другой світовой войны. Высланый крайскый піротехнік по обглядкі муніції призначів, же іде о вісем фалатків 82 мм ділострілецькых мін, два фалаткы ручных ґранатів взор 42 і єдну спочінову наложку до 120 мм ділострілецькой міны. Піротехнік муніцію знешкоднив на місці найджіня.  Поліція у данім звязку припоминать, абы верейность в подобных сітуаціях в ниякім припаді з найдженов муніційов неманіпуловала, але што найскоріше ознамила подобне найджіня на найближшім одділіню Поліцайного збору або на чіслі 158. (TASR, Pkf)