x

В Долнимі Кубіні ся обыв упоминаючій акт з нагоды 74. Выроча СНП

00

З нагоды 74. выроча Словацького народного повстаня ся вчера в Долнім Кубіні одбыв упоминаючій акт. Проґрам ся зачав положіням вінців і квітів при многых памятных таблицях ці помникох за притомности міністра обороны СР Петра Ґайдоша, заступців міст, Озброєных сил і Словацького союзу антіфашістьскых боёвників. Потім дальша часть проґраму ся одбыла в ареалі Ґецельского парку при Оравскій Порубі, де собі в рамках акції з назвом „Орава 1944 – До зброї“ попозерали приклады технікы і вызброї Озброєных сил СР. Як про пресову аґентуру ТАSR повів долнокубінскый пріматор Роман Матейов, „Долный Кубін мать, правдаже, своїх ґероїв з часів СНП. Належала меджи них і штудентка Алжбета Чілаґійова, котра мать памятну таблицю на містьтнім ґімназію. Так само в містьскій часті Срняцє ся находить і памятник партізанской часті Сіґнал, котрый ту в часі другой світовой войны актівні боёвали. Дальшы памятникы ся находять на Гісторічнім цвинарї в Долнім Кубіні“.
(TASR)