Членство мадярьской владной партії Fidesz в Европскій людовій партії зістане позаставлене на невстановлено довгый час, бо не дішло ку жадній видительній зміні ці чутельному проґресу в політіці той партії в области повніня демократічных норм, правной державы ці захованя слободы погляду. Повів то в понедільок шеф людовців Доналд Туск. Подля аґентуры МTI председа европскых людовців по політічній громаді повів, же почас його веджіня не видить шансу на обновліня повноцінного членства партії Fidesz, покля не дійде ку змінам у крітікованых областях. Председа партії Fidesz і мадярьскый премєр Віктор Орбан днесь є на навщіві Рима, де бере участь на стрічі з крайно правіцьовыма політічныма партіями, котры гостить Маттео Салвіні.

(Медвідь, TASR)