x

Нїмецькы актівісты обсадили углёву електрарню, протест закончіла поліція

00

Десяткы кліматічных актівістів вникли в недїлю рано до ареалу новопоставленой углёвой електрарнї Дателн 4 в нїмецькій сполковій країнї Северне Порінє- Вестфалско, жебы протестовали проти єй планованому отворіню в лїтнїх місяцох. Інформовала о тім тлачова аґентура DPA. Подля одгаду поліції ся в ареалі находило 120 актівістів. Новопоставлену углёву електрарню Дателн 4 з выконом 1100 меґаватів мають в лїтї припоїти до сїтї і наперек рекомендаціям приналежной владной комісії, жебы ся так не стало. Нїмецька влада пересаджує політіку переходу на обновітельны здрої енерґії, хоць на другім боцї упозорнює, же на то, жебы покрыла свої потребы мусить країна все выужывати і конвенчны здрої.

(Шутіова, TASR)