Кондіція ОС СР ся злїпшує, прияли ся засадны стратеґічны рїшіня, оцїнив началник Ґенералного штабу ОС СР Даньєл Змеко на четверёвім велительскім згромаждїню. В найблизшім періодї очекує засадне злїпшіня операчной приготовлености. Поможе ку тому наприклад навышованя кількости вояків. Приносом буде і докончіня модернізачных накупів. Декларовав, же ОС СР суть приготовлены на повнїня вшыткых задач выходячіх зо закона. Міністер говорив і о далшых потребных інвестіціях, наприклад до накладных авт, пушок, муніції, але і до сістемів противоздушной обраны. Єднак планує і далшы інвестіції до інфраштруктуры і інформачных а комунікачных сістемів. Авізує і многы леґіслатівны зміны.

(TASR, Шутіова)