x

Румунія є пересвідчена, же звладне презідію

00

Румуньска влада стоїть за тым, же є способна звладнути ротуючу презідію в Раді Европской унії, котру 1-го януара перевзяла од Австрії. Букурешть так подля аґентуры Associated Press зашмарила страхы, котры недавно на адресу Румунії высловив председа Европской комісії Жан-Клод Юнкер. Юнкер вказовав на глубокы внутрішньополітічны споры з тым, же покля хоче хтось выховльовати Европу ку єдности, мусить мати наперед „зъєдиненый фронт“ сам у себе дома. Румуньскый міністер про европскы справы Ґеорґе Ціамба в понедільок выразив ся, же внутрішньополітічны споры зажывають вшыткы членьскы державы, і же Румунія є на презідію добрі приготовлена. Лідры владной Соціалнодемократічной партії єдночасно обвинили Юнкера з предсудків.
(Медвідь, TASR)