Словакія є приготовлена брати участь на обнові Україны. При четверёвім округлім столї орґанізованім председом влады СР Едуардом Геґером (OĽANO) ку запоїню Словакії до обновы Україны то повіла штатна таёмнічка Міністерства загранічных дїл і европскых належностей СР Інґрід Броцкова. ,,Кажда кріза представлює зарівно і можности. Ключовым аспектом на досягнутя якостных резултатів запоїня Словакії до повойновой обновы Україны буде ефектівна коордінація верейного, пріватного і мімовладного сектора,” увела штатна таёмнічка. Словакія є подля Броцковой приготовлена в тім зограти вызначну задачу, кедьже економічна просперіта Україны може быти імпулзом і про економічный розвиток Словакії.

(TASR, Шутіова)