x

МВД СР бы мало підписати договор о высланю литовскых поліцайтів до СР

00

Міністерства внутрїшнїх дїл Словацькой републікы і Литовской републікы бы мали підписати договор о высланю литовскых поліцайтів на теріторію Словакії. Підпис мать быти сучастёв робочой пути шефа резорту внутрїшнїх дїл Романа Мікулця (OĽANO) в Празї. TASR о тім інформовала говоркыня МВД СР Зузана Еліашова. Мікулець мать днесь в рамках робочой пути брати участь на рокованях з нагоды неформалной стрїчі міністрів одповідных за справодливость і внутрїшнї залежности. Роковати ся мать о грозьбах про внутрїшню безпечность выходячіх з російской войновой аґресії проти Українї, о будучіх вызвах в повязаню з міґраціёв, інтероперабілітї ІТ сістемів ці превенції і бою проти сексуалному знеужываню дїтей.

(TASR, Шутіова)