Посланці Пряшівского самосправного края  на вчерашнім засіданю в рамках Вызвы про реґіон схвалили суму 2,4 міліон евр. Дотацію розділили до штирьох проґрамів. В рамках проґраму підпоры ціклотранспорту, інфраштруктуры турістичного руху і путницького турізму было підпорено 26 із 42 жадостей. В рамках обновы културных памяток UNESCO і народных културных памяток было підпорено 20 жадостей з цілкового чісла 29. В проґрамі на підпору выставбы і реконштрукції шпортовых гріск в краю было успішных 32 із 51 жадателів, а в проґрамі зліпшіня соціалных і здравотных служеб было успішных сім жадателів із 12. (TASR, Pkf)