Пряшівскы крайскы посланці на недавнім засіданю зрушыли пять середніх школ – в Стропкові, Пряшові і в Меджілабірцях, як і пару школьскых заряджінь. Єдночасно схвалили взник двох новых школ, єдно елоковане працовиско і пару школьскых заряджінь. Зміны в оптімалізації середніх школ в компетенції краю были схвалены іщі в юні минулого рока. Посланці зрушыли Середню одборну школу служеб в Стропкові, Ґімназію на Духновічовій уліці в Mеджілабірцях, Середню одборну школу Анді Варгола в Меджілабірцях, Обходну академію на Волґоґрадьскій уліці в Пряшові і Середню одборну школу на Масаріковій уліці в Пряшові. Як про TASR повів ведучій одбору школства ПСК Ян Фурман, ,,Днешнім дньом ся скінчів процес оптімалізації  в трьох окресах“. Окрем іншых, із схваленых наряджінь выходить взник Споєной школы в Меджілабірцях, котра буде мати дві орґанізачны зложкы – ґімназію і СОШ Анді Варгола,  і Споєна школа на Масаріковій уліці в Пряшові буде мати дві  орґанізачны зложкы – Обходну академію і СОШ подниканя.“ (TASR, Pkf)