Чеськый премєр Андрей Бабіш почас свого понедількового прояву к актуалній сітуації в повязаню з пандемійов, котрый одвысылало веце телевізій, выголосив, же за вшыткы крізовы наряджіня на себе бере повну одповідность. Інформовав о тім портал Novinky.cz. Бабіш признав, же крізовы наряджіня можуть тырвати довше, як думав владный кабінет. Чеськый премєр єдночасно пожадав людей, жебы владі одпустили дакотры хыбы або проблемы і признав, же їх не є мало. В Чеській републіці зазначіли до понеділька вечур 1236 інфікованых і єдну смерть. Шість людей ся з хвороты COVID-19 вылічіло.

(Медвідь, TASR)