В Польщі зазначіли 17 далшых потвердженых припадів нового тіпу коронавірусу, цілково є там інфікованых 766 людей. Інформовало о тім у віторок польске міністерство здравотницьтва, пише аґентура PAP. Дотеперь в Польщі вмерло на хвороту COVID-19 вісем людей. Першый припад інфікації там зазначіли 4-го марца, паціент ся меджічасом вылічів і зо шпыталю го пропустили. Польска влада в пятніцю выголосила епідемічный стан і аж до Великодня заперла вшыткы школы. В Польщі є позаставленый меджінародный летадловый і влаковый транспорт. Заперты суть і музеї, театры а кіна, так само немож робити згромаджіня над 50 особ.

(Медвідь, TASR)