Мадярьска влада є вдячна америцькому презідентови Доналдови Трампови за заблокованя фондів USAID, котры суть фундаментом про політічну корупцію в Мадярьску. Подля сервера magyarnemzet.hu то выголосив у понедільок в Бруселі шеф мадярьской діпломації Петер Сійярто. На пресконференції по засіданю Рады про загранічны діла Европской унії Сійярто выразив вдяку за то, же Трумп заставив ток грошей, котрыма подля його слов влада США в рамках попередньой загранічнополітічной стратеґії дотеперь засяговала до внутрішніх діл іншых країн. Споєны штаты зрушать 83 процент проґрамів Аґентуры про меджінародный розвиток (USAID), выголосив 10-го марца америцькый міністер загранічных діл Марко Рубіо.

(Медвідь, TASR)