Презідент Словацькой републікы Петер Пеллеґріні заплатив штроф за порушіня закона о волебній кампани. Про TASR то потвердила його говоркыня Патріція Медведь Мацікова. Увагу на то звернула телевізія Markíza з тым, же о штрофі в сумі 10 000 евр мало вырішовати Міністерство внутрішніх справ СР. Подля говоркыні презідента голова державы дістав рішіня о уділіню штрофу. Признаючі собі свою хыбу ся проти того рішіня не одкликав. Штроф подля телевізії є повязаный з медіалізованым припадом, коли партія Hlas-SD послала пінязі на транспарентный рахунок аж по закінчіню кампани, што закон не уможнює.

(Медвідь, TASR)