Веце як 80 унікатных авт і моторок понукне на Головній уліцї в Кошіцях 21. рочнік меджінародной стрїчі історічных возідел Cassovia Retro. Тота історічнa переглядка є уж традічнов подїёв, котра каждый рік доповнять ославы Дня міста Кошіцї. TASR о тім з Ветеран клубу Cassovia Retro інформовав Іґор Михалчік. Надхненцї історії штирёх колес одштартують днесь язду в історічнім містї ку нашым южным сусідом. Там перебудуть вікенд а цїла подїя выверхолить ,,змаганём красы“ в недїлю (11.5.) зась на Головній уліцї в Кошіцях. ,,Ветеранізм є діаґноза, котра робить радость вшыткым. Нам тым, же ся стрїтнеме, спаять ся ту комуніта занєтеных людей, а дівакім тым, же сі можуть носталґічно заспоминати на молодость або ся лем так покохати красныма автами,“ приближыв председа клубу Франтішек Грабчак.

(TASR, Шутіова)