Девять словацькых єпіскопів буде брати участь в неділю 18-го мая на славностній інавґурачній святій Літурґії Папы Лева XIV. на Намістю святого Петра у Ватікані. До Риму їх поведе кошыцькый арґієпіскоп і председа Конференції єпіскопів Словакії (КЄС) Бернард Бобер. Єпіскопы поїдуть вєдно з делеґаціов презідента СР Петра Пеллеґрініго. „Сьме рады, же прямо у Ватікані подякуєме Богу за новый дар про церьков в особі нового Святого Отця Лева XIV.,“ повідомив Бобер. Позвав тыж вшыткых молити ся за нового папу. Притомность словацькых єпіскопів є сімболом споїня словацькых єпархій з наступником святого Петра і главов католицькой церькви. Новый папа, котрый прияв імя Лео XIV., быв зволеный 8-го мая. (TASR, Pkf)