Опозічне Проґресівне Словеньско жадать од міністра внутрішніх діл Матуша Шутая Ештокa крокы, котры бы помогли рiшыти крізову сітуацію по юловім пожарі в Спiшскім Щявнику в окресі Попрад, котрый зохабив без стріхы над головов веце як 140 людей. Як на пресовій конференції в середу увела посланкыня Народной рады СР Даріна Лущікова (ПС), Спiшскый Щявник є далшым доказом того, же штат переставать фунґовати в охрані своїх жытелів. Од міністра внутрішніх діл жадають высланя професіоналного крізового коордінатора з повнов компетенційов і правами, забезпечіня психогіґєны і ротації теренных робoтників і запроваджіня транспарентной сістемы дістрібуції помочі, жебы ся передышло хаосу і недорозуміням. (TASR, Пкф)