x

Посланці ПСК вызвали компанію Світ здоровя, абы обновила ґінеколоґічны одділіня в свідницькім шпиталю

00

Пряшівскы крайскы депутаты на своїм понедільковім засідані вызвали компанію Світ здоровя, абы обновила роботу зрушеного ґіноколоґічно-породницького одділіня в свидницькім шпиталю найпізніше до кінця фебруара 2019. Зрушыла їх к 17. децембру з причины низького чісла породів і недостатку здравотницького персоналу. Про пацєнтів є к діспозиції єднодньова ґінеколоґічна старостливість. Крайскый депутат за окрес  Свідник Ян Вок, котрый предложыв пропозицію, указав на розділны чісла в штатістіках о госпоталізації, чісла ошетреных в уставній поготовостній службі, операціах і породности в свідницькім шпиталю. Як про наше радіо Русин.фм председа ПСК Мілан Маєрскый повів, „віділисьме аналізу, котру сьме достали од депутатів з даного окресу, же чісла  небыли правдивы. Є там іші даяка надія, і як будуть дебаты меджі  компанійов Світ здоровя, Пряшівскым самосправным крайом і дальшыма заінтересуваныма на добрій путі, так може ся допрацюєме і к выслідку, же ґінеколоґічно-породницькы одділіня будуть знова в свідницькім шпиталю.“