Французьскый презідент Емануел Макрон у четверь по самітї такзваной коаліції охотных выголосив, же безпечностны ґаранції про повойнову Україну ,, суть приготовлены“ а 26 держав ся там завязало послати свої єдноткы на заіщіня будучого міру. Подоба підпоры европскых ґаранції Споєныма штатами буде фіналізована ,,в найблизшых днях“, пише TASR подля справ аґентур AP i AFP а денника The Guardian. ,,Днесь маме 26 держав, котры ся формално завязали, дакотры далшы іші незауяли становиско, насадити на Україну свої заістёвачі єдноткы або быти притомны на земли, на морю або у воздусї,“ повів Макрон на тисковій конференції по боку україньского презідента Володимира Зеленьского а додав, же ,,тоты силы ся не будуть намагати вести войну проти Росії”.

(TASR,  Шутіова)