Вольбы до Народной рады (НР) СР бы в септембрі выграв рух PS зо здобытьом 22% голосів. Друга бы закінчіла партія Smer-SD з підпоров 18,2% воличів. По ній бы наслідовала партія Hlas-SD зо здобытьом 9,7% голосів. Тото выходить з дослідженя аґентуры Focus про портал 360tka. До парламенту бы ся достали і рух Republika (9,7%) і Hnutie Slovensko (8,5%). Граніцю волителности бы перекрочіли і KDH (6,1%) і SaS (6,1%). Тісно бы ся до НР СР достали і Demokrati (5,1%). Зо здобытьом 4,3% бы остали за бранами парламенту SNS і Maďarská aliancia. (TASR, Пкф)